INAMA ISIMBURA (CD) YA EAR DIOCESE YA SHYOGWE YARI YATANGIYE KU WA 22/07/2016 YASHOJE

Guhera ku wa wa 22-23/07/2016, Inama Isimbura (CD) yateraniye ku Biro bya Diyoseze ya Shyogwe aho ikorera mu Cyakabiri mu Mujyi wa Muhanga.

Ku murongo w’ibyigwa hari ingingo nkuru zikurikira:

1. Ishyirwa mu bikorwa ry’imyanzuro y’inama nkuru z’itorero ziheruka;
2. Raporo y’abayobozi b’amashami ya Diyoseze (departments);
3. Kwerekana ku mugaragaro Manuel de Procedures ya Diyoseze;
4. Gukaza ingamba mu gucunga neza umutungo wa Diyoseze;
5. Umushinga wa Bank ihuriweho na EAR na EPR.

Imwe mu myanzuro mikuru yafatiwe muri iyi nama ni iyi ikurikira:

1. Inama yishimiye uburyo imyanzuro yafatiwe mu nama z’itorero yagiye ishyirwa mu bikorwa isaba ko ibitaragezweho byakwihutishwa bigakorwa;
2. Inama yashimye cyane intambwe imaze guterwa n’abakozi ba Diyoseze ya Shyogwe cyane cyane ku bijyanye n’uburyo batanga raporo zisobanutse;
3. Inama yemeje ko Manuel de Procédures ya Diyoseze igezwa ku bakozi bose ba Diyoseze kandi ibiyikubiyemo bikubahirizwa ;
4. Inama yashimangiye ko umutungo wa Diyoseze ugomba gukomeza gucungwa neza kandi hagira uteshuka ku nshingano ze akabibazwa hakurikijwe amategeko nta marangamutima;
5. Inama yashimye igitekerezo cyo gushinga Bank ihuriweho na EAR na EPR kandi isaba ko uwo mushinga wamenyeshwa abantu bose.